Thursday, March 25, 2004
لهم ههرێمهدا هیچ شتێك وهكو خۆی نامێنێتهوه. ژیان لهم ههرێمهدا ئهڵێی شهپۆله... ههندێ جار ورده شهپۆلی جۆگهلهیهكه، ههندێ جار شهپۆلی گهورهو بهرز و پڕ له لرفهی زهریایهكی توڕهیه. شهپۆلهكان چ ورد و چ درشت دێن و ئهڕۆن و جێپهنجهیان لهسهر ههرێمهكهم جێدێڵن. جار و بار ورده شهپۆلێك هێنده جوانی ئهداته ههرێمهكهم كه ئاواتهخوازی بهردهوام بوونیم. بهردهوام ئهبێت و ئهبێته شتێكی ئاسایی. ئاسایی وهك كورسییهكه، نانخواردنی ئێواره، خهوتن، ئیش وتابلۆكانی دیوارهكان. ههندێك جار شهپۆلهكه هێزی دێتهوه بهر ههموو ههرێمهكهم ئهههژێنێت، داری بهسهر بهردییهوه ناهێڵێت. ههموو شتهكان لوول دهدات و ههستئهكهم وا خهریم ئهخنكێم... ئهو شهپۆلهش ئههوهن ئهبێتهوه، ئارام ئارام پاشهكشه ئهكات و له پاش خۆی گوێچكهماسییهكی بچكۆله بهجێدێڵێت... مرواریهك لهناو نهرمایی گوێچكه ماسییهكهدا ئهدرهوشێتهوه.
* * * * * * * * * * * * * * * * * * * *