--> ::هه‌رێمی هیچ ::

هه‌رێمی هیچ

Saturday, February 28, 2004

باوك و ئالان و دیلانم ماڵ به‌ده‌ر كرد. هه‌ر خۆم مامه‌وه. وه‌كو هه‌میشه شاژنی ماڵ. ئه‌وان چوون بۆ ته‌ماشای هۆكی. ووتم له ده‌ره‌وه نان بخۆن به‌ته‌ما نیم خواردنتان بۆ دروست كه‌م. تا دره‌نگتریش بێنه‌وه بۆ من باشتره. تا ئێستا له‌ده‌ره‌وه‌ن و خوا خۆی ده‌زانی خه‌ریكی چین.

هه‌ر كه ئه‌وان ڕۆیشتن، هه‌موو په‌نجه‌ره‌كانم كرده‌وه. به‌فر كلو كلو ده‌‌باری به‌ڵام سارد نه‌بوو. هه‌وایه‌كی خۆش ماڵه‌كه‌ی پڕ كرده‌وه. هه‌موو چه‌رچه‌فه‌كان و به‌رگه‌ سه‌رینه‌كانم لێكرده‌وه و فڕێمدانه ناو مه‌كینه‌ی جل‌شتنه‌كه‌وه. قۆڵم لێ هه‌ڵمای و ژووره‌کانم پاككرده‌وه. ماڵه‌كه‌م گه‌سك لێدا. قاپه‌كانم شتن.  پاشان چووم گوڵدانه‌كانم هێنا و خۆڵه‌كانیم گۆڕی. بۆنی خۆڵه‌كه زۆر خۆش بوو. بنی نینۆكه‌كانم پڕ بوون له خۆڵ... دواتر كه چووم جله‌كان ده‌ربێنم ته‌ماشام كرد لووتیشم خۆڵاوی بووه. ئه‌وه‌نده‌م لووت پێوه‌نابوو. به خۆم پێكه‌نیم، خۆمم پێ شیرین بوو. دوایی ئه‌وانه نانێكی خێرام خوارد و كه‌مێك ڕاكشام. ماڵه‌كه بێده‌نگ، نه ده‌نگی CDی ئالان و نه زرم و زامی یاری كه‌مپیوته‌ری دیلان و نه هاتوچۆی بێكۆتایی باوكیان. بێده‌نگ بێد‌‌گ. خه‌وه‌كه‌م زۆر خۆش و قوڵ بوو. كه هه‌ستام به‌ ته‌واوه‌تی ئیسراحه‌تم كردبوو. ته‌ماشایه‌كی سه‌لاجه‌كه‌م كرد، ئه‌سپێ تێیدا ئه‌ڵاوه‌یسی ئه‌ووت. ژنانه خۆمم پێچایه‌وه به‌ره‌و بازاڕ كه‌وتمه ڕێ.  كۆڵێ شتم كڕی و هاتمه‌وه. ئێستا سه‌لاجه‌كه‌یه كه له خۆشیان خه‌ریكی سێ‌پێیی و فه‌تاح پاشاییه. هه‌وای ده‌ره‌وه‌ش خۆش بوو. ته‌واو خۆشی كردم و سه‌رمه‌ست.

ئێستا دانیشتووم و ئه‌مانه ئه‌نووسم. ئیشه‌كانم ته‌واو كردووه. ماڵه‌كه به‌ ڕوومه‌وه پیئه‌كه‌نێ. پیاوه‌كانی ماڵ له ماڵ نین هێشتا. ته‌ماشای ده‌نگوباسم كرد: ئه‌مریكا و هاییتی و ترسی و ترشیی ئه‌مریكا له هێرشی په‌نابه‌ر بۆ ئه‌وێ. هانس بلیكسی هه‌ژار  له ماڵی خۆی دانیشتبوو به ته‌له‌فۆن بۆ ئه‌مسه‌ر و ئه‌وسه‌ری دنیا ته‌له‌فۆنی ئه‌كرد كه‌چی خه‌ڵكی به‌دكار گوێیان به‌ دیواره‌كه‌یه‌وه نابوو، كورد گووته‌نی كووڵیان لێئه‌گرت. كابرای محامیش به كچێكی ووتوه: جله‌کانی له جلوبه‌رگی قه‌حبه ئه‌چێت!!!!. له سه‌ر كۆمپیوته‌ری محامییه‌كه كۆڵێك ئادره‌سی ماڵپه‌ڕی ڕووت و قووت دۆزراوه‌ته‌وه. محامییه‌كی شاره‌زایه! دوای كه‌ناڵم گۆڕی و دیم باسی Big Brother ه گوایه سیروان ناوێك تێیدا به‌شداره. دڵنیام كورده.  نازانم ئه‌م  براد‌ره‌ش به قه‌د نادیا شانسی ناوبانگ ده‌ركردنی ئه‌بێ، یان ئه‌بێ ئه‌میش جوتێ مه‌مكی قووت و له‌شولارێكی به‌ر هه‌تاو هه‌ڵخراوی هه‌بێ؟ ئایا بۆ چوونی ئه‌میش ئه‌بێته نوێنه‌ری هه‌موو پیاوه‌كان؟ ئایا قسه‌كانی ئه‌بێته پێناسه‌یه‌ك بۆ هه‌موو پیاوه كورده‌كان؟ 

ئه‌مه‌ش ڕۆژی من. هه‌ست به ڕازی بوون ئه‌كه‌م. جارێ كاتم زۆر ماوه. پێمخۆشه كێكێك درووستكه‌م. با ‌بڕۆم گوێم له ته‌قه‌ی ده‌رگا سه‌ره‌كییه‌كه‌یه. هاتنه‌وه! :-) 



* * * * * * * * * * * * * * * * * * * *

Wednesday, February 25, 2004

ئه‌مه‌ش  بۆ لانه و ئالان و دیلان و مناڵه‌‌كانی ئێوه‌ش!


* * * * * * * * * * * * * * * * * * * *

Tuesday, February 24, 2004

نازانم له‌م مۆسیقایه تێرت خوارد یان نه؟ ئه‌مڕۆ سارد و كڕێوه بوو. نه گوڵێك بوو نه بیابانێك نه گڕی ئاگرێك. له ساردی، له ڕاهاتن، له‌و شتانه‌ی كه تۆ هۆیه‌كه‌یت بۆ باسكردم ئه‌‌ترسم. هه‌وڵئه‌ده‌م ئه‌و شوینانه‌ی درزی بردووه به شێوه‌یه‌ك چاكی كه‌مه‌وه. هه‌وڵئه‌ده‌م دڕاوه‌كان پینه‌بكه‌م. من هه‌وڵئه‌ده‌م بزانم ئه‌نجامه‌كه‌ی چۆن ئه‌بێت.


* * * * * * * * * * * * * * * * * * * *

Thursday, February 19, 2004



* * * * * * * * * * * * * * * * * * * *

From the album Brand New Day
Words and music by Sting


I dream of rain
I dream of gardens in the desert sand
I wake in pain
I dream of love as time runs through my hand

I dream of fire
Those dreams are tied to a horse that will never tire
And in the flames
Her shadows play in the shape of a man's desire

This desert rose
Each of her veils, a secret promise
This desert flower
No sweet perfume ever tortured me more than this

And now she turns
This way she moves in the logic of all my dreams
This fire burns
I realize that nothing's as it seems

I dream of rain
I dream of gardens in the desert sand
I wake in pain
I dream of love as time runs through my hand

I dream of rain
I lift my gaze to empty skies above
I close my eyes, this rare perfume
Is the sweet intoxication of her love

I dream of rain
I dream of gardens in the desert sand
I wake in pain
I dream of love as time runs through my hand

Sweet desert rose
Each of her veils, a secret promise
This desert flower,
No sweet perfume ever tortured me more than this

Sweet desert rose
This memory of Eden haunts us all
This desert flower, this rare perfurme
Is the sweet intoxication of the fall





* * * * * * * * * * * * * * * * * * * *

Monday, February 16, 2004

زستان
          زستان

        زستان                                                          زستان
             زستان
                     زستان
       زستان



* * * * * * * * * * * * * * * * * * * *

Sunday, February 15, 2004

له ئیسلامدا ته‌نیا دوو جه‌ژن هه‌یه، قوربان و ڕه‌مه‌زان... ئیتر جه‌ژنه‌كانی تر هه‌مووی بیدعه‌یه و ئه‌بێته هۆی فیسق و فجور بۆ نمونه جه‌ژنی ڕۆژی دڵان.  قسه‌ یان فتوای مه‌لایه‌كی سعودی.

خه‌ڵكێكی عه‌ره‌بیش له‌سه‌ر ئه‌م فتوایه ڕای خۆیان نووسیبوو لهBBC عه‌ره‌بییه‌که. هه‌ندێ نووسیبویان ئه‌و جه‌ژنه بۆ پڕ كردنه‌وه‌ی گیرفانی بازرگانه، یه‌كێك نووسیبووی ئه‌مه بۆ ئه‌وه‌ی مێشكی موسڵمانان له شتی جددی دوورخاته‌وه بیر له خوا نه‌كه‌ینه‌وه و مێشكمان بچێت بۆ فه‌ساد، هه‌ندێك نووسیبوویان خوا خۆشه‌ویستیه ئیتر بۆ ده‌بێت ئه‌و جه‌ژنه حه‌رام بكرێت؟. یه‌كێك نووسیبووی جه‌ژن گێڕان شتێكی فه‌ردییه‌ و بۆ ده‌بێت حه‌ڵاڵ و حه‌رام بكرێت.

به‌راست بۆ ئه‌بێت ئه‌و هه‌موو حه‌ڵاڵ و حه‌رامه ده‌‌‌وروبه‌رمان وه‌كو ته‌لێكی دڕکاوی بته‌نێت؟ بۆ، بۆ هه‌موو هه‌نگاوێك چاوێكی باڵا سه‌ر هه‌بێت بۆ چاودێری كردن. كێ ئه‌‌توانێ حه‌ڵاڵ و حه‌رامی شته‌كان لێكبداته‌وه؟ نوێنه‌رانی خوا؟ دڵداری حه‌رامه و ده‌بێته هۆی فسق  و فجور و فه‌ساد و فه‌حشا و  ئه‌ی خۆته‌قاندنه‌وه، ئه‌ی زینده‌ به‌‌چاڵ كردن، ئه‌ی ماڵی خه‌ڵک داگیركردن؟ ئه‌ی ده‌ست‌ و قاچ بڕین؟



* * * * * * * * * * * * * * * * * * * *

Friday, February 13, 2004

سبه‌ی ڕۆژی دڵان و ئه‌و شتانه‌یه. بازاڕگه‌كه‌ی شارۆچكه‌كه‌ی من ڕه‌نگ و ڕوخساری خۆی گۆڕیوه و هه‌ر له دووره‌وه سوور و په‌مه‌یی ئه‌نوێنێ. یه‌كێك له دوكانه‌كان جلی ژێری ژنان و پیاوان ئه‌فرۆشێت. هه‌ر كه بۆنه‌یه‌ك ئه‌بێت‌ وه‌كو سه‌ری ساڵ و ڕۆژی دڵان و هی دایك و باوك یه‌كسه‌ر كۆڵی شۆرت و ستیانی سه‌یر و سه‌مه‌ره به په‌نجه‌ره‌كانییه‌وه هه‌ڵئه‌واسرێت. له‌گه‌‌ل كۆمه‌ڵه كارتێك كه وێنه‌ی ده‌مێكی گه‌وره‌ی سوراو لێدراوه و خه‌ریكی ماچه. به‌رامبه‌ر دوكانه‌كه‌و له ده‌ره‌و‌‌‌ه‌ی ڕیزه كورسییه‌ك دانراوه بۆ پشووی كڕیاره‌كان. ئه‌م ڕیزه كورسیانه قه‌ت چۆڵ ناكرێن. هه‌ر كاتێك ئه‌ڕۆم بۆ پاقله‌و گه‌ڵا مێو كڕین ئه‌بینم 10-12 پیره‌پیاو له‌وێ لێیدانیشتوون و چاویان بڕیوه‌ته ئه‌و شۆرت و ستیانانه‌ و سه‌ریان ئه‌له‌قێننه‌وه. جارێكیان لانه‌م له‌گه‌ڵ بوو لێیان چووه پێشه‌وه‌و ووتی: ئه‌رێ ئێوه هه‌میشه لێره لێیدانیشتوون و به‌دیقه‌ت هات و نه‌مانی مۆدێله‌كان ده‌بینن هیچ گۆڕانێك له مۆدێلی جلی ژێره‌وه‌دا ڕوویداوه؟ پیاوه‌كان سوور هه‌ڵگه‌ڕان و منیش له شه‌رما له‌و ناوه نه‌مام و له دووره‌وه چاوم له لانه بوو بۆ خۆی قاقاپێئه‌كه‌نی. كه هاته‌وه ووتی دایه مه‌وزوعێكی خۆشم دۆزییه‌وه بۆ ڕۆژنامه‌ی مه‌كته‌ب. سبه‌ی دێمه‌وه گفتوگۆیان له‌گه‌ڵ ئه‌كه‌م.



* * * * * * * * * * * * * * * * * * * *

Thursday, February 12, 2004

ماڵی پاشا له‌وبه‌ر ئاوه
خێڵی دوژمن ده‌وری داوه


پاشای ئه‌م وڵاته‌ی ئێمه و خانمی سه‌رمای ئێره‌یان به‌جێهێشت و ته‌شریفیان برد بۆ برۆنای. دوێنێ هاتنه‌وه. له‌وێ جه‌نابی پاشا شه‌كری شكاندبوو كه گوایه سوڵتانی برۆنای و وڵاته‌كه‌ی كراوه‌ و دیمۆكراسی و به‌هه‌شتی سه‌ر زه‌وییه.  پاشای هه‌ژار ئه‌م كفره‌ی كرد و لێره لێیان كرده به‌زم. پاشا چۆن شه‌كری وا ئه‌شكێنێ؟ بۆ جه‌نابی شا ته‌ماشای ڕاپۆرته‌كانی مافی مرۆڤی نه‌كردووه له‌باره‌ی ئه‌و ‌وڵاته‌وه؟  ئاخر ئه‌و گونی خۆی و گێزه‌ر( ئه‌‌گه‌‌ر به‌ ده‌ستی من بێت ئه‌و په‌نده چاك ئه‌كه‌مه‌وه بۆ گوونی خۆی و په‌تاته‌) له‌یه‌ك جودا ناكاته‌وه، بۆ ده‌م له سیاسه‌ت ده‌نێ...
ماڵم قه‌بره ڕاست ئه‌كه‌ن. نازانم سوودی ئه‌م شایه‌ چییه؟ خۆ قسه‌ی قسه ئاسایی نازانێت بكات. ژنه‌كه‌یشی ڕه‌نجی شانی من و هه‌زارانی من ده‌داته عه‌مه‌لیاتی پلاستیكی بۆ لابردنی چرچ و لۆچه‌كانی ده‌موچاوی. كوڕه‌كه‌یشی له گه‌مژه‌ییدا چووه‌ته‌وه سه‌ر باوكی. كچه‌كانیشی خواهه‌ڵناگرێ ڕه‌زایان گرانه.  به پیره‌ژنه‌كه‌ی هاوكارم ووت باشه  ئه‌م پاشا خێری چییه بۆ ووڵات. مۆڕه‌یه‌كی لێكردم و ووتی ئاخر چۆن ئه‌وان زۆر نازدارن. ئه‌‌وان ڕووی سوێدن بۆ ده‌ره‌وه. هــــــــــــــــــــــم، ئه‌مه خۆش بوو. ڕوویه‌كی گه‌مژه‌ی سویده بۆ ده‌ره‌وه.

هه‌ندك له قسه‌ نه‌سته‌قه‌كانی پاشا:
كه كچه گه‌وره‌كه‌ی له دایك بوو، ووتی: ئه‌وه كچێكمان بوو، خۆتان ئه‌زانن به‌خێوكردنی كچان زه‌حمه‌تی زۆره.
چوو بوو بۆ ئارمبۆگا و له‌وێ بۆ دانیشتووانی ئه‌و شاره قسه‌ی كرد و فه‌رمووی: سڵاوتان لێبێت خه‌ڵكی خۆشه‌ویستی ئۆره‌برۆیی.

جا بیر بكه‌نه‌وه مام جه‌لال بڕاوت بۆ هه‌ولێر و به‌ خه‌ڵكه‌كه‌ی بڵێت جه‌ماوه‌ری به‌شه‌ره‌فی سلێمانی!!!!

نازانم شا به دووای چی ئه‌گه‌ڕێت؟


* * * * * * * * * * * * * * * * * * * *

Wednesday, February 11, 2004

RING! RING! WHY DO NOT YOU GIVE ME A CALL?!


* * * * * * * * * * * * * * * * * * * *

Tuesday, February 10, 2004

مناڵ، مناڵ و مناڵ. زۆر جار له بیرم ئه‌چێت كه خۆم هه‌م. له بیرم ئه‌چێت منیش پێویستم به كاتێك هه‌یه بیر بكه‌مه‌وه، پشوو بده‌م. بیر له خۆم بكه‌مه‌وه وه‌كو تاكه‌كه‌سێك. به‌ڵام هه‌میشه دایك بوون له پێش هه‌موو شتێكه‌وه‌یه. ئێستاش كه ئه‌مه ئه‌نووسم تووشی ئازاری ویژدان ئه‌بم. له دڵی خۆمدا ئه‌ڵێم خۆت چیت به بێ مناڵه‌كانت، ژیانت چ مانایه‌ك ئه‌دات ئه‌گه‌ر ئه‌وان نه‌بن؟ چۆن دڵت دێت باسی خۆت بوون و پشوودان بكه‌یته‌وه. مه‌گه‌ر هه‌ر باوه‌شكردنی مناڵێكت ناتحه‌سێنێته‌وه؟مه‌گه‌ر بیر له‌وان و داهاتووی ئه‌وان خۆشترین بیر و گه‌وره‌ترین چێژت پێ نابه‌خشێ؟
به‌ڵام هه‌ندێكجار، زۆر كه‌مجار ماندوو ئه‌بم له‌وه‌ی كه پێی‌ئه‌ڵێن دایكایه‌تی... تاوانبارم؟ بێدڵم؟ وا نییه. ته‌نیا هه‌ستێكه جار جاره دێت و ده‌ڕوات. زۆریش شه‌رم له‌و هه‌سته‌ی خۆم ئه‌كه‌م.


* * * * * * * * * * * * * * * * * * * *

Thursday, February 05, 2004

كاتێك شتێك له مه‌كته‌بی مناڵه‌كانم ڕوو ئه‌دات، بێ سێ و دوو ته‌له‌فۆن بۆ شوێنی ئیشه‌كه‌ی من ئه‌كه‌ن. وه‌ره كوڕه‌كه‌ت نه‌خۆشه، شه‌ڕی كردووه. له مناڵی تری داوه یان خۆی لێیدراوه و زۆر شتی تر. زۆربه‌ی جاره‌كان یان هه‌ر به ته‌له‌فۆن چاره‌سه‌ری ئه‌كه‌م یان خۆم ئه‌ڕۆم بۆ مه‌كته‌به‌كه‌یان و گرفته‌كه چاره‌سه‌ر ئه‌كه‌ین.
زۆر جار كه كۆبوونه‌وه‌ی دایكوباوكانه، من ئه‌ڕۆم. كاتێك پێشكه‌ش كردنی شانۆیه‌ك، پێشبڕكێیه‌كی وه‌رزشییه هه‌ر منم. ئه‌ڵێم زۆربه‌ی جار و نه‌وه‌ك هه‌موو جارێك. كاتێكیش نه‌خۆش ئه‌‌كه‌وێت منم كه له ماڵه‌وه‌ئه‌بم ‌‌و ئاگام لێده‌بێت.
له خۆم ئه‌پرسم بۆ مامۆستاكان به‌شێوه‌یه‌كی ئۆتۆماتیك ته‌له‌فۆنی من ئه‌كه‌ن نه‌‌وه‌ك هی بابیان، ئه‌ی بۆ بۆنه‌كان من ئه‌ڕۆم و باوكیان كه‌متر. چونكه باشتره من ئیشه‌كه‌م جێبێڵم. له‌ڕووی ئابوورییه‌وه وا باشتره. هه‌رچه‌ند من و ئه‌و هه‌ردووكمان هه‌مان ئیشمان هه‌یه و به‌قه‌د یه‌كترمان خوێندووه كه‌چی دیسانه‌وه‌ش‌ مانگانه‌ی ئه‌و زۆرتره له‌وه‌ی من. كه‌واته وا باشتره پاره‌یه‌كی كه‌متری من ببڕدرێت نه‌وه‌ك ئه‌وه‌ی مێرده‌كه‌م. جگه له‌مه‌ش ئێستاش په‌روه‌رده‌كردنی مناڵ به‌كارێكی سه‌ره‌كی  دایكه‌كه ئه‌ژمێردرێت و هه‌ر ئه‌ویشه كه گله‌یی لێ‌ئه‌كرێت بۆ مناڵه‌كه‌ی ته‌مه‌ڵه یان هارو هاجه هه‌تا ده‌ڕوا.  له‌وانه‌ش تێپه‌ڕێت هێشتاش مناڵ به‌ ناوی باوكییه‌وه ده‌كرێت له‌گه‌ل ئه‌و هه‌موو غایب بوونه‌ی له ژیانی مناڵه‌كه‌یدا. 
تاوانی كێیه؟ نه من و نه مێرده‌كه‌م. ئه‌گه‌ر سیسته‌مه‌كه هه‌لومه‌رجی یه‌كسانی بۆ هه‌ردووكمان دابین بكردبایه دڵنیام كه باوكه‌كانیش به ئه‌ركی خۆیان هه‌ڵئه‌ستان.



* * * * * * * * * * * * * * * * * * * *

Wednesday, February 04, 2004

دیلان به‌رامبه‌ر ته‌له‌ڤیزیۆنه‌كه دانیشتبوو ته‌ماشای حه‌جی ده‌كرد. لانه و ئالان  فشه‌یان پێده‌هات كه‌چی ئه‌و چاوی خستبووه سه‌ر شاشه‌كه‌ و ئاگایشی له‌وان نه‌بوو. به‌ ته‌واوی چوو بووه ناو به‌رنامه‌كه‌وه. كه ته‌واو بوو هات بۆ لام و ووتی. دایه، ئه‌وه‌ی حاجییه‌كان ماراتۆن ده‌كه‌ن چی پێده‌ڵین؟ سه‌فا و مه‌روای پێده‌ڵێن. دیسانه‌وه ووتی: ئه‌ی له سه‌ر هه‌موو موسڵمانێك حه‌جكردن پێویسته؟ ووتـم نه‌، ته‌نیا ئه‌وانه‌ی كه ده‌توانن و پاره‌یان هه‌یه. دیلان گه‌رایه‌وه ژووره‌كه‌ی خۆی و پاش ماوه‌یه‌ك دیسان هاته‌ ده‌ره‌وه و گووتی دایه ئه‌زانی محه‌مه‌د زۆر كابرایه‌كی كووووڵ بووه؟!. ده‌ی فه‌رموو چۆن به‌م نه‌تیجه گرنگه گه‌یشتی. ووتی تۆ تووڕه مه‌به، بزانه كابرا شوان بووه دیویه‌تی ئه‌و خه‌ڵكه پاره‌داره هه‌ر خه‌ریكی خواردن و خه‌وتن و ورگ خستنه سه‌ر یه‌كتر بوونه. ئێ؟ ئێ ئه‌ویش بیری كردۆته‌وه كه بۆ ته‌ندروستی ئه‌وان و خه‌زێنه‌ی مه‌ككه وا باشتره سوودی لێوه‌رگرێت. چۆن؟ دایه، وا سه‌یرم مه‌كه به ڕاستمه من... باشه ته‌ماشات ناكه‌م. ووتی: ده‌ی بڕیاری دا ئه‌وه‌ی ده‌وڵه‌مه‌نده پاره‌كه‌ی بێنێ بۆ حه‌ج و له‌وێ مه‌ر بكڕن و جه‌ژن بكه‌ن و خه‌ڵك داوه‌ت بكه‌ن بۆ خواردنی خۆش و پاشانیش پێشبڕكێیه‌كی ماراتۆنی داناوه له نێوان ئه‌‌و دوو ته‌پۆڵكه‌یه و وه‌كو ئۆلۆمپیادی كۆنی گرێكه‌كان!!!! 
ئێ كوڕم ئه‌ی به‌رده‌بارانی شه‌یتانه‌كه چ وه‌رزشێكه؟ پشتی ملی خوراند و ووتی: ئه‌وه بۆ به‌ هێز كردنی نیشان شكێنی بووه.
لانه و ئالان ده‌ستیان كرده پێكه‌نین و ووتیان ئێمه‌ش ناوێكی تازه‌مان بۆ كا حه‌مه دۆزییه‌و‌ه " حه‌مه پاڵه‌وان"!



* * * * * * * * * * * * * * * * * * * *

Tuesday, February 03, 2004

لاوێن موهته‌دی و ئه‌ڤین ڕووبار هه‌ردووكیان خه‌ڵاتی ڕۆژنامه نووسی ساڵی 2003 یان وه‌رگرت. لاوێن وه‌كو باشترین ڕۆژنامه‌نووسی تازه‌كار و ئه‌ڤینیش به هۆی ئه‌و پرۆگرامه‌ی كه دروستیكردبوو له باره‌ی به‌كارهێنانی توندوتیژی له فێرگه تایبه‌تییه‌ ئیسلامییه‌كاندا له سوێد. ئه‌م پرۆگرامه‌ی بۆ تیڤی سوێد ئاماده‌كردبوو. گه‌نجه‌كانمان به‌ڕاستی كار ده‌كه‌ن و ده‌توانن به باشی سه‌ركه‌وون.


* * * * * * * * * * * * * * * * * * * *

Sunday, February 01, 2004

دیسان جه‌ژنه. ته‌له‌فۆنم بۆ ده‌كرێت و ته‌له‌فۆن ده‌كه‌م. جه‌ژنتان پیرۆز بێت! جه‌ژن و جه‌ژن. نوقڵ و شیرینی، چه‌رخوفه‌له‌كه كۆنه‌كه‌ی خانوه‌قوڕه‌كان. ئه‌وه‌ی ته‌نیا له جه‌ژنه‌كاندا ڕه‌نگوڕوویمان د‌‌ه‌دیت. ئه‌وه‌ی پیاوه لاوازه كورته باڵاكه به هێزی بازووی ده‌یسوڕانده‌وه.
 جه‌ژن یاد هێنه‌ره‌وه‌ی نه‌هامه‌تییه. جه‌ژن خۆش نییه. جه‌ژن یانی ئای كه ته‌نیاین، دوورین. جه‌ژن یانی  ئاواره‌یی خه‌ڵكه‌كه‌م، یانی ڕه‌و، یانی ته‌قینه‌وه، یانی ترساندن و تۆقاندن.



* * * * * * * * * * * * * * * * * * * *

Hana lies over Kip, unraveling his turban, slowly, sensual.

HANA: If one night I didn't come to the tent, what would you do?

KIP: I try not to expect you.

HANA: But if it got late and I hadn't shown up?

KIP: Then I'd think there must be a reason.

HANA: You wouldn't come to find me? That makes me never want to come here.

But she continues unraveling the turban.

HANA: Then I tell myself he spends all day searching, in the night he wants to be found.

Kip is in the tent, looking out of the flap, waiting for Hana. Kip walks in looking for Hana. Kip enters, sees Hana is not with the Patient, then goes out. From the shadows of the room Into her bedroom, Kip can't find her there either. He turns to go, walking down the wooden stairs, until her voice stops him in his tracks. She's in the shadows of the eaves.

HANA: Sometimes I need you to find me.



The English Patient


* * * * * * * * * * * * * * * * * * * *