Tuesday, April 27, 2004
دیسانه‌وه هه‌موو له‌شی ئێشێت؛ سه‌ری، پشتی، كه‌مه‌ری، قاچی، ئه‌ژنۆكانی. پێچی ئێش به ناوسكیدا تێئه‌په‌ڕێت. ئه‌ڵێی ده‌ستێكی بێ‌به‌زه‌یی دانه دانه‌ی ڕیخۆڵه‌كانی ڕائه‌كێشێت. ئێشه‌كه دوو ڕۆژ پێش كاتی خۆی ده‌ست‌پێئه‌كات. هه‌میشه هه‌روا بووه. له‌پێشدا سه‌ر ئێشه و پاشتریش ژانه‌كانی تر.
هه‌موو مانگێك، هه‌فته‌یه‌ك ڕێك وه‌كو په‌ككه‌وته‌كان ئه‌كه‌وێت. حاڵی حاڵ نییه. ئه‌و ده‌م، له خۆی، له ده‌وروبه‌ر، له مێرده‌كه‌ی، سروشت، خوا، ژن بوونی خۆی بێزار ئه‌بێت. هه‌میشه ئیمانی له هه‌موو كاتێكی تر ته‌نكتر ئه‌بێت. بۆ ئه‌بێ مانگی هێلكه‌یه‌ك به فیڕۆ بڕوات؟ له‌گه‌ڵ به فیڕۆدانی هه‌ر هێلكه‌یه‌ك خه‌مێكی قووڵیش دایئه‌گرێت. هێلكه‌یه‌ك، دوو، سێ، چوار، ده، سه‌د. ته‌مه‌نی هه‌ر هه‌ڵئه‌كشێته سه‌ره‌وه، ژانه‌كه‌ی زۆرتر، توانا و ته‌حه‌مولی كزتر و هێلكه‌كانی ڕووله كه‌م بوونه‌وه ئه‌كه‌ن.
چ بێدادییه‌كه... ئه‌م ئازاره زۆره، ئه‌م ژماره سنورداره‌ی هێلكه‌كانی، ویستی بوونه دایك، زوو تێپه‌ڕ بوونی كات.
* * * * * * * * * * * * * * * * * * * *
هه‌موو مانگێك، هه‌فته‌یه‌ك ڕێك وه‌كو په‌ككه‌وته‌كان ئه‌كه‌وێت. حاڵی حاڵ نییه. ئه‌و ده‌م، له خۆی، له ده‌وروبه‌ر، له مێرده‌كه‌ی، سروشت، خوا، ژن بوونی خۆی بێزار ئه‌بێت. هه‌میشه ئیمانی له هه‌موو كاتێكی تر ته‌نكتر ئه‌بێت. بۆ ئه‌بێ مانگی هێلكه‌یه‌ك به فیڕۆ بڕوات؟ له‌گه‌ڵ به فیڕۆدانی هه‌ر هێلكه‌یه‌ك خه‌مێكی قووڵیش دایئه‌گرێت. هێلكه‌یه‌ك، دوو، سێ، چوار، ده، سه‌د. ته‌مه‌نی هه‌ر هه‌ڵئه‌كشێته سه‌ره‌وه، ژانه‌كه‌ی زۆرتر، توانا و ته‌حه‌مولی كزتر و هێلكه‌كانی ڕووله كه‌م بوونه‌وه ئه‌كه‌ن.
چ بێدادییه‌كه... ئه‌م ئازاره زۆره، ئه‌م ژماره سنورداره‌ی هێلكه‌كانی، ویستی بوونه دایك، زوو تێپه‌ڕ بوونی كات.