Wednesday, March 23, 2005
له هیندستانه‌وه (300) كرێكاری هیندیمان بۆ هات
[14:00 , 23 Mar 2005]
Peyamner- ئه‌مڕۆ پێشنیوه‌ڕۆ نزیكه‌ی 300 كرێكاری هیندی له هیندستانه‌وه بۆ كاركردن له پرۆژه خزمه‌تگوزارییه‌كانی كوردستان به فڕۆكه‌یه‌ك گه‌یشتنه فڕۆكه‌خانه‌ی نێوده‌وڵه‌تیی هه‌ولێر.به پێی ئه‌و زانیارییانه‌ی ده‌ست په‌یامنێر كه‌وتوون, ئه‌و ژماره كرێكاره هیندییه, به‌شێكن له ژماره‌یه‌كی زۆری كرێكار كه له هیندستان و وڵاتانی باشوری رۆژهه‌ڵاتی ئاسیاوه دێنه كوردستان.ئه‌و كرێكاره هیندیانه بۆ كۆمپانیای (شه‌رقولئه‌وسه‌ت) كار ده‌كه‌ن كه ئه‌ركی دروستكرنی بازاڕی هاوچه‌رخی هه‌ولێری وه‌ئه‌ستۆ گرتووه.شایه‌نی باسه كه‌وا هه‌ڵمه‌تێكی یه‌كجار گه‌وره‌ی ئاوه‌دانی و بنیادنان له‌كوردستان له‌گۆڕێیه و خه‌ڵكی كوردیش كه‌متر ئاماده‌ن خۆیان له‌قه‌ره‌ی كاری كرێكاری بده‌ن و ئه‌وه‌ش بووه‌ته هۆی ئه‌وه‌ی كه پێویست بكات له‌ده‌ره‌وه‌ڕا خه‌ڵك بهێندرێته كوردستان. ئێستا له به‌شێكی زۆری هه‌رێمی عاره‌بیی عێراقه‌وه رۆژانه ده‌یان كه‌س به مه‌به‌ستی كاركردن روو ده‌كه‌نه كوردستان و چاوه‌ڕێ ده‌كرێ له‌گه‌ڵ هاتنی وه‌رزی به‌هار و هاوین كه واده‌ی كاركردنه له پرۆژه خزموتگوزارییه‌كاندا
رێژه‌ی كرێكارانی بیانی له كوردستان به‌شێوه‌یه‌كی به‌رچاو به‌رز بێته‌وه
که‌مێک شکم له‌م هه‌واڵه هه‌یه. ئایا له کوردستان بێ ئیشی 0%ه؟ ئه‌گه‌ر وایه و وڵات بۆته کوێت ئه‌وه قسه‌یه‌کم نییه. به‌ڵام هه‌ر دوای ئه‌و هه‌واڵه هاتووه که خه‌ڵک کچ و کوڕییان له مه‌کته‌ب ده‌رده‌که‌ن بۆ ئیش کردن و شوانی و گاوانی که له‌گه‌ڵ هه‌واڵی سه‌ره‌وه یه‌ک ناگرنه‌وه. ئه‌ڵێن گوایه کورد زۆر مه‌غرورن و ئاماده نین کرێکاری بکه‌ن!!! ئه‌مه‌شم پێ ڕاست نییه، ئه‌گه‌ر وایه ئه‌ی ئه‌و هه‌موو کورده‌ی له هه‌نده‌رانین بۆ ئاماده‌ین هه‌موو ئیشیک بکه‌ین. بۆ ئه‌بێ ئیش کردن عه‌یب بێت؟ ئه‌ویش بگات به‌وه‌ی که وڵاته‌که‌ی خۆت ئاوه‌دان بکه‌یته‌وه. ئه‌م مه‌سه‌له‌یه‌م بۆ حه‌ل ناکرێت. هیوادارم که مه‌سه‌له ئه‌وه بێت که بیکاری له سه‌ددا سفره و بۆیه خه‌ڵک له وڵاتانی تره‌وه دێن بۆ ئیش کردن،.