که له سلێمانی بووم هه‌ندێ شت سه‌رنجی ڕاکێسام. ئه‌و شتانه له زۆر شوێنی تریش باسکراون به‌لام با منیش باسی که‌م خۆ کفر نابێت.
جگه له گه‌نده‌ڵی و مه‌نده‌ڵی که زۆر زه‌قه شتێکی تر ئێستا له جاران زۆرتر سه‌رنجم بۆی چوو. ئه‌ویش ، ماڵی خۆم پاک بێت چش له خه‌ڵکی تره!. چۆن؟ بۆ نمونه خه‌ڵکی ماڵی خۆیان پاک پاک ئه‌که‌نه‌وه و هه‌موو رۆژێک گسک و ئه‌گه‌ر ئاو هه‌بێ ده‌رودیواری ئه‌شۆن و زبڵه‌کان له ته‌نه‌که‌ و عه‌لاگه‌دا کۆ ده‌که‌نه‌وه زۆر به ئاسانی فڕێی ئه‌ده‌نه که‌لاوه‌که‌ی ئه‌ودیوویان. ئیتر وه‌ره به‌و هاوینه چۆن مێشی دنیات پیوه نه‌گلێت. ئیتر له فڕێدانی کوته کاغه‌ز و توێکڵی شووتی و کاڵه‌ک و قوتوو و بوتڵێ کۆکا کۆلا بگه‌ڕی که سه‌یرانگا و ژینگه‌یان پیس کردووه.
که ئه‌پرسی ئه‌رێ ئه‌و زبڵه بۆ له‌و که‌لاوه فڕێ ئه‌ده‌ی یان با سه‌یرانگاکان پیس نه‌که‌ین! ئه‌ڵێن فشه‌ی ئه‌وروپامان به‌سه‌را مه‌که‌ن. ئه‌مه باشترین حاڵه‌ته ، ئه‌گه‌ر زۆر سیاسی بن ئه‌وا یه‌کسه‌ر ئه‌که‌ونه باسی گه‌نده‌ڵی و گیرفان پڕی مه‌سئول و حوکمه‌ت هیچ ناکات بۆ کورد و که‌رکوک و ئه‌نفالیان له‌ بیر چووه!
خۆ ئه‌وه زۆر ڕاسته که مه‌سئول گیرفانی پڕه و گه‌نده‌ڵی نه‌بووایه خه‌لکی ئاوها نه‌ئه‌گه‌یشته بینه‌قاقایان به‌ڵام هه‌ندێ شتی بچووک هه‌ن خه‌ڵکه‌که بۆ خۆسی ژیانی خۆیان ئه‌تووانن بیکه‌ن. هاوکاری لای ئێمه نییه. هه‌موو ئه‌یانه‌وێ ماڵی خۆی و به‌رده‌رکه‌ی پاک بێت به‌ڵام ئاماده نی‌یه یه‌ک تۆز خۆی ماندوو بکات و که‌لاوه‌که‌ی ئه‌ولای پاک بکاته‌وه.

* * * * * * * * * * * * * * * * * * * *