--> ::هه‌رێمی هیچ ::

هه‌رێمی هیچ

Monday, June 25, 2007

لانه‌که‌م دێته‌وه. کوڕه‌کان و باوکیان سه‌فه‌ر ئه‌که‌ن. ماڵه‌که بۆ خۆم و کچه‌که‌م و هاوڕی ژنه‌کانمان ئه‌مێنێته‌وه.
لانه‌ ئه‌ڵێ: ئیتر ماڵ بۆنی خۆش ئه‌بێ و ده‌نگی گۆرانی و مۆسیقای ژنانه‌ی به‌رز ئه‌بێته‌وه. بۆنی پێڵاو و گۆره‌وی کوڕه‌کان ناکه‌ین. ده‌نگی قڕه قڕی ڕۆک و ڕاپ نابیسترێ.
منیش بیر ئه‌که‌مه‌وه خوایه هه‌واکه‌ی خۆش بێ و ئه‌گه‌ر بارانیش بێ، چی زۆره فلیم و گوڵه‌به‌ڕۆژه.
باوک ئه‌ڵێ خۆشه ماوه‌یه‌ک ئازادی!
منیش له‌ نێوان لانه‌و باوک و زمان ڕاکێشانیان له یه‌کتر، نازانم له کامیان توڕه بم. ئه‌زانم بیری کوڕه‌کان ئه‌که‌م، ته‌نانه‌ت بیری بۆنی گۆره‌وییه‌کانیشیان. به باوکیش ئه‌ڵێم بۆ له سجندای؟


* * * * * * * * * * * * * * * * * * * *